ACARA DI NEGLASARI TEA

SANAJAN KURING DI PANGUMBARAAN TAPI SABILULUNGAN TETEP JADI ANGGEUHAN, LEMAH CAI PASUNDAN MOAL ILANG NA IMPLENGAN SANAJAN AYEUNA KARI WAASNA

HALAL BIHALAL

SAMPURASUN........................

Baraya sadaya, upami Alloh marengkeun Insya Alloh ping 18 Oktober 2009 baris di laksanakeun acara halal bihalal sakantenan tepung lawung paguyuban di bumi Kang Unang Air Bakoman kacamaan Pulau Panggung Tanggamus .....

BEWARA

PERHATOSAN......PERHATOSANNNN !!!!

Aya sababaraha hal anu peryogi ka uninga ku saderek sadaya kieu geura:

1. Di uningakeun ka wargi-wargi breaker wireh kiwari frekuensi urang teh ngalih ka frekuensi 215. Kumargi kitu anu masih keneh di 536 mangga gabung ka 215.Okeh.....Nanging ieu frekuesi teh masih keneh dina masa percobaan, duka kapayun na mah.
2. Tepung lawung PPF.251 insa Alloh bade di ayakeun di bumina kang Unang nu linggih di Air bakoman Kacamatan Pulau Panggung Tanggamus.Perkawis waktosna mah kinten-kinten ba'da boboran Siam rupinamah, mung kacindekan waktos na teu acan tangtos.

PROFIL ANGGOTA PPF.536

Ngawitan pedalan ieu, baris ngaguar ngenaan profil masing-masing anggota PPF536.Dupi anu bade nonghol ngawitan, rupina teu aya sanes kacabi ti PUPUHU Bapak Gunawan ku anjeun. Sakedik ngenaan anjeuna tiasa para wargi aos di About me. Tah salajengna mangga tinggal ieu potret Pak Gun waktos acara "KABALE NYUNGCUNG" Tangtosna oge nganggo anggoan ADAT SUNDA PANGERANAN.

1.Pa' Gunawan (pupuhu)




MANGGA PILIH NU PANGKASEPNA















ieu potret pa Gun nuju di istrenan jatuk rami. Heuheuy.... KABITA.....gentos...
















Punten..ah...kanu rada kirang kasep (urang cimarias) ulah sirik, dumeh ninggal ieu potret pa Gun mangsa kiwari...








Tah kumaha yeuh... aktipitas atanapi padamelan anjeunna (pa'Gun ) sadidinten teh ??? mangga antos bae pedalan blog nu bade dongkap... omat yeuh !!Baris medal potret-potret sadaya inohong Pasundan536. Malihmah Saur Bah Osa (wakil Pupuhu), anjeun na mah hoyong dipotret teh sareng "SI HOKCAY"cenah !!! tah ...saha si hokcay teh ??? magga antoss RODeurrrr

LALEUR BODAS
Haturan.. Nepangkeun pribados wasta Amid Harsana Sudiman.Linggih di Poncowati Lampung Tengah, pribados teh asli Kisunda ti Desa Jati Kacamatan Batujajar Kabupaten Bandung Barat (KBB), sadidinten nyo'o pun incu sareng nini na he..he..he.. Ari anu matak tibelat pribados mah ukur kana beuleum Peda beurem sareng Lelebu Wijen. Saur pun buyut Aki Madasan, pribados teh ngarereh ka Eyang Salbi (Panenjoan KBB). Nyukcruk galur ti karuhun temahna kana wewengkon sarakan pribados anu ngered ka daerah Rajamandala - wates Bandung Cianjur-, pribados rupinamah kareh kabanasapon ka rahayat Dalem Cikundul -Cianjur yaeta rahayatna Pangersa Raden Aria Wangsa Wiratanudatar - raja Karajaan Gagang/Cianjur. di PPF536 pribados janten Penasehat 1.



ABAH DIRUT
Punten nepangkeun pribados wasta Didi Sutisna. Ari kawitmah abdi teh ti Tanjung siang Kab.Subang. Cobek belut sareng pais peujit pangresep na teh. Sadidinten nunguan eta we anu bade aya kaperyogian sanes kanten balanjaan (sembako). dupi padumukan teh di Labuan dalam Tanjung senang Bandar Lampung. Pami nyukruk galur ti karuhun pribados rerehan Sumedang Larang. Mangga we tinggal ieu pameunteun (face), pas pisan sigana mun di sajajarkeu jeung tereuh Sumedang Larang ( Bibit buit) Tajimalela. Dina rengrengan pangurus PPF 536 pribados janten Penasehat 2.


KANG ASEP CEKLY TARAKASIMA


Sampurasunnnnn................. Nepangkeun abdi yeuh nami asli Gunawan Sejati. Abdimah asli diheujeunkeun ku punbiang teh di desa Cipeundeuy kacamatan Kalijati Kab.Subang.Ti aalit sok di Asep-Asep, pedah kasep meureun( da..jeung saenyana atuh ). Ari bibit buit ti pun bapamah asli ti desa Jati kacamatan Batujajar KBB. Kasedep teu teu aya deui iwalti pais lele sareng pais impun, komo kana pais bibit mah, kitu kitu kana pais supa su'ung atawa supa lember weh abdi teh resep pisan, komo barijeung disurawungan mah ...aduhhhh amuing-amuing.....tobat!!!! Saur pun biang pribados teh rerehan Bapak Minterja (mensos Orla), da pun biangmah asli karuhunna ti Baros - Cimahi. Sadidinten abdi mah pepelakan sayuran, sareng ngadamelan sanes kanten tulisan (skrip/skenario) kangge engke pami diparengkeun gaduh modal, abdi teh hoyong ngadamel sinetron atanapi Film anu judul na "Sikabayan saba dunya". Pribados linggih di Poncowati Lampung Tengah, di PPF 536 pribados dipercantten jantun wakil juru tulis (ulis).

KANG DODO


Punten ah baraya.......Abdi wasta Hidayat Zarkasih... abdimah asli ti Sukabumi. Upami aya Kanjut embe atanapi Kanjut domba, omat ulah dikasasahakeun !!! keun, etamah bagian Abdi. Da eta atuh kabeuki teh abdi mah mung kana Kanjut Domba. Saur Pupuhu paguyuban (Kang Gunawan) ceunah eta teh obat kuat. Naha enya ?!! Tapi kuring percaya 1000 % sabab salila ngukut Embe, Bah Osa asa beuki maceuh ......Padumukan di Perum Korpri Bandar lampung pribados teh, atuh di Kalianda (Lamsel) abdi gaduh wawarungan (ceuk baturmah Supermarket- cenah). Di PPF 536 pribados dipercanten janten Juru Bayar alias bendahara.

ABAH KERN

USUV VANHOTTEN


Punten yeuh dulurr...Abdi mah Kisunda asli, Van hotten soteh eta mah nami di jumantara ngarah beda tinu lian he..he...he. Upami nami aslinamah Supardi Yapan. Karesep teh kulub tutut gening. Linggih di Natar Kab.Pesawaran.






















KANG CANDRA

Punten Barayaaaa.....nepangkeun yeuh Abdi Ujang Aleks, Linggih di Cimarias Kacamatan Bangun Rejo Kab.Lampung Tengah. Upami tuang nu di inceur teh sangu pulen. Keun wae rencangna ngan ukur goreng uyah oge, asal dipurulukan ku endog atawa siksik ati. Upami sayur, ceuk kuring mah eweh deui nu pang peedna iwalti sayur iwung ( orok awi). Pakasaban kuring sadidinten nutu di heleran. ari karuhun mah cenah ceuk ema kuring teh ti cianjur. di PPF 536 kuring janten kordinator Lampung Tengah.

KANG UNANG


Punten lurrrr..... nepangkeu abdi Enang sukito, abdi asli Kisunda ti Garut wewengkon Kadungora. Di Lampung Kuring linggih di Desa Air Bakoman Kacamatan Pulau Panggung Kab. Tanggamus. Sadidinten abdimah ical galeuh hasil bumi, kayaning Kopi, cau, Pedes, Kayu manis, beas jst. Tampolana kuring sok nampi oge anu ngical motor atanapi gula kawung. Pokonamah naon waelah nu penting kaharti....rojerrr. Pun anak nembe 2 si cikal namina Eva (SMU) bungsu namina Angga (SD). Pami aya burayot atanapi ranginang, tahhh eta masingkeun sa baskom oge moal burung teu di hampleu.. sabab nya eta pisan atuda karesep teh..

ABAH JODI

Nepangkeun ah abdi yeuh Abah Jodi, nami asli mah Suhendar. Ceuk kolot kuring mah rerehan RAJAMANDALA. Upami baraya apal pasar Rajamandala Bandung Barat, tah kuring teh urng dinya. pernah na ti kampung Ci Cadas. Karesep teu aya deui iwal ti kulub su'uk di tinyuh ku bajigur.........TOBAAAAAAAT !!!!!!!!!

KANG GODAM

Abdi mah asli urang KARAWANG. Ceuk kolot mah abdi teh seke seler SINGAPERBANGSA. ke ah, patali jeung katuangan mah ulah waka di bejakeun ayeuna. Sabab kuring mah sagala beuki. Heu heuy deudeuh..

KaNG DADANG DOMRET

Abdi asli urang bandung, ti CIBABAT caket rel kareta api. Waktos di ci Babat keneh sok manggung sareng Sule (SUTISNA). Karesep abdimah teu aya deui iwalti kulub hui di balur bandrek . Upami aya rinyuh omat ulah di kasasahakeun kuring pang resepna kana ratu rinyuh.

KANG BARON

Nepangkeun yeuh urang Soreang asli. Abdi ayeuna dagang hordeng di Jl.kimaja Bandar Lampung... DEng HOR DEEEEEEENG........Bararade hordeng na bapa....Ibu.... . tiasa oge di lironan ku beusi urut ( rongsokan ) asal sa kontener....!!! he ..he...he... punten ah banyol .Karesep teuaya deui iwal ti pais peujit jeuung ulukutek leunca. upami katuangan asli bandung mah, nyaeta peuyeum .... aduhh tobaatt... abdi teh resep pisan.. komo Peuyempuan mah ... he...he..he

KANG ODONG SURODONG

Nepangkeun yeuh abdi yeuh nu katelah Odong Surodong. Upami nami asli mah Asep Hilman. Abdi linggih di Linggapura Kacamatan Selagai Lingga Kab. Lampung Tengah. Karesep teh kana angeun kacang. Komo sapariuk mah,, Upami kawit abdi teh ti Cililin. daerahna mah sigana daerah Saguling. Omat upami ka Linggapura ulah teu sindang nya...

MAS ANGGA
Adi mah atuh urang Pulau panggung.. Tanggamus ..tah. Abdi asli namah ti wetan (urang jawa) tapi abdi hobi baceo di frekuensi Paguyuban Pasundan ieu atuh mah... Maaf lamun urang hento bener atuh ngomong na nya.. Maklum lagi belajarann he..he..he..

KANG JAYA

Sampurasun Dulurrr..... nepangkeu abdi Kumbang Wijaya, biasa katelah Jaya. Upami nami asli mah abdi teh Jaka. Abdi linggih di desa Pekandangan kacamatan Pubian Lampung Tengah. Saur pun biang karuhun abdimah ti Saguling ceunah. Pakasaban sadidinten ngadamel KTP maklum abdimah kapercanten jadi Juru Tulis di desa alias Sekdes. Upami teu aya wagelan saurna Sekdes sa kaupaten Lampung tengah bade diamgkat PNS ? tah pami enya, nyuhunkeun pidu'a na we dulur mudah mudahan abdi sing eggal di angkat PNS .. Ari pangaresep teuaya deui iwal ti urab bayas. Maklum abdi mah pan linggih teh di pucuk ibun sisi leuweng geledegan register 39 anu seueur tangkal bayas. Tah humut na teh pedo pisan atuh di urab. Komo di campuran daging hayam sa kilo mah ... Tobatttt. Cag ah..

KANG VIRGO

Punteh ah.. nepangkeun yeuh Abdi VIRGO cindek na tina DIPIPIR BARI CINGOGO. Asli abdi mah ti Sumedang. Ka pangeran Kornel teh abdimah masih keneh nga rereh ngan pedah tos rda tebih. Karesep teu aya deui iwal ti nuang

KANG CEMONG

DAFTAR RENGRENGAN AISPANGAMPIH

RENG-RENGAN AIS PANGAMPIH PP.F536

Minggu, 2009 Maret 08

DAFTAR RENGRENGAN AISPANGAMPIH
Bah Kern............................................ Pinisepuh
Bah Jhody.......................................... Pinisepuh
Pa Gunawan ..................................... Pupuhu

AbahOsa............................................ Wakil Pupuhu

Kang Usup Van Hotten..................... Juru tulis
Kang Eman ....................................... Wakil Juru tulis

Kang Dodo ....................................... Juru Bayar

Kang Candra.................................... Juru Ingkig (Humas)

Wa EQ............................................... Anggota

Kang Jaya ......................................... Anggota

Kang Unang ..................................... Anggota

ALBUM KENANGAN DI BUMI TEH ATI

Wa E.Q/Kusdiana. 'Blekker' kahot nu linggih di Kampung TransAD Pocowati RK.A- Lampung Tengah, nuju "NGAJENGJEHE". Saurna mah bibit buitna urang Kebon Kawung - Kota Bandung......Urang dayeuuuhhh !!! ......yeuh !

Bah Utay (nganggo Kopeah), sareng Bah Amid /Laleur Bodas,manco paguleman catur (Pancakaki)...tos 36 taun paturay....sihoreng aranjeuna sa-alumni ti SR (Sakola Rakyat) Cililin - Bandung. Bah Amid seniorna Bah Utay, geseh 5 taun ceunah...

Adi-Lanceuk layeut pisan... Bah Jhody /Zulhendarsyah nu nganggo Kaos, linggihna di Kalapa 7 Kotabumi-Lampung Utara, ari karuhun-na mah ceunah urang Rajamandala-Bandung Barat. Ari Bah Kern/Abah Otam mah asli urang Buner-Cililin, kampung Beureum Bengeut caket Ranca Irung.

TRIO MAUNG (MAnusia bandUNG)-
"bentang-na PPF.536",
(Bah Kern ti Cililin, Asev Checly ti Batujajar, Pa'Gun ti Kopo)Kab.Bandung.

Pupuhu nuju dipapag ku Pinisepuh PPF.536

Pupuhu Padepokan Silat Partisan Siliwangi (Abah Amid/acuk ganola),Pupuhu PPF.536 (Bpk.Gunawan/nganggo bendo).sareng Pupuhu PAJAR (Bpk.Prof.Dr.Ir.Hi.Bustami Rosadi,Ms/kaos hideung) nuju ngupingkeun "Kidung Bubuka"

lokasi: Cimarias !!!! tah.

kumaha cimarias erek monitor 24 jam??? Atuda,tihang listrik na oge pagawean sapintrong !!??? Rodeurrrrr !!!!!!!

Hatur salam ka urang Buner, urang Beureum Beungeut-Cililin, urang Jati-Batujajar kab. Bandung Barat, ieu pribados Abah Otam (Abah Kern tea) nu linggih di cimarias-Bangunrejo-Lampung Tengah sareng Amih, nyuhunkeun dihapunten bilih aya kalepatan. Abah oge kabita hoyong sapintrong sareng si Amih...heu..heuy deu..deuh......

TEPUNG LAWUNG PAGUYUBAN ANU KA DUA

Mitra sadaya......................

Dinten Minggu ping 1 Maret 2009 di bumi teh Ati anu linggih di kampung sinar Jaya Desa Negara Aji Tua Kacamatan Anak Tuha, PPF.536 parantos ngalaksanakeun tepung lawung anu kadua. Sajabi di dongkapan ku sadaya anggota, acara waktos harita oge di deudeul ku inohong-inohong PAJAR diantawisna pangersa Bpk.Prof.Dr.Ir.Bustami Rosadi,Ms, Bpk.Rahman,Bpk.Ucup, oge wargi enggal ti tanggamus nyaeta Om Boy, oge teu hilap sobat dalit kang Dodo anu namina Kang Ujang. Acara lumangsung lungsur-langsar di mitembian ku tuang balakecrakan nyocolan sambel ku leledumbo, teu hilap lalab oge ngeleudak. Saparantosna tuang , tamu sumping sadaya di suguhan hiburan kacapi rebab anu di pintonkeun ku grup degung "OLOKKEJO" pingpinan Asev Chekly, hanjakal ibu sindenna aya pamengan janten jurukawihna teh sakaparan-paran we nu aya harita di dinya. Tapi sok sanaos kitu acara teh kengeng disebatkeun sukses. Margi tujuan utami namah pan silaturahmi ngaraketkeun tali mimitran antawis urang jeung urang khususna anggota PPF.536.

<
Bumi Teh Ati

Mitra sadaya......................

breker kahot !!! saha cobi ???

breker kahot !!! saha cobi ???

ALBUM KENANGAN WAKTOS ACARA DI BUMI BAH OSA

"TEPUNG LAWUNG MUNGGARAN" !!!!!!
Pupuhu PAJAR Bpk.Prof.Dr.Ir.Hi.Bustami Rosadi,Ms nuju masihan wejangan tur pepeling dina pidatona.Saurna urang Sunda mah kudu : "Jageur,Bageur,Bener,Jujur,Pinter ".(5.er) Kadang warga blekker sumping sadaya, waktos acara tuang alakadarna, ngaraosan 'Bakakak Puyuh' menu kameumeut Ambu Laos.

Kade.....Kade..... saha tah ! teu daek ngantri ???.......GAGABAH ...Rojeur!!!he..he...he...heh.

Cobi Taksir eieu abdi anu herang mencrang !!!!! (Bunda Desi : "Beu!!..Ari nu ngaroranya........")

Bah Osa (asli Orang Sunda), nuju pidato maca teks siga pak Harto tara lesot teks, majarkeunteh ngarah eces,jenrte tur walatra ceunah. Tapi kakupingna semu ngadegdeg...???!!!!

Kang Unang (korwil Kab.Tanggamus) linggihna di air bakoman kacamatan pulau panggung,anu gandang tur pertentang nuju ngenalkeun ka rencang paguyuban.

Kang Virgo nuju nyolok liang pangambung !?? rupina waktos tuang tadi, anjeunna kabesekan, teras aya remeh anu bebetah di lebet rorompok korong ..... heuheuy...deu..deuh .....karunya...nya.....!!!!!!!!

Kang Candra anu linggih di Cimarias nuju pidato minangka korcam Bangun Rejo- Lampung tengah, anjeunna PD pisan nganggo nami Candra "si Meong Congkok". Da, ari nami asli namah Ujang Alex saurna teh.


Kang Sulam (Korcam Gunung Sugih Lampung Tengah) nuju babacaan semu tungkul menekung mujasmedi, sangkan acara harita tiasa lungsur-langsar teu kirang sawios-wios (asa rada teu percaya...??)

Rengrengan ais pangampih Paguyuban Pasundan frekuensi 536 Propinsi Lampung anu nembe diistrenan (saha anu pangkasepna ??) ...Anu nganggo laken nya ??

Kang Irvan (Korcam Terbanggi Besar Lampung Tengah ) keur ngincer bakakak puyuh
(ceuk beja anjeuna mah pang dohotna kanadaging puyuh teh, komo Puyuh Gonggong mah)